Mim Mööter ischd in dr Riiti z'Schööl; aber das isch jetz afa-l-lang siithar. Da wän es Mäitli z'Schööl ggangen, das hed gsäid, äs chenni si zen arra Chatz machen. Den andre Chinden ischd das nid gloibblis vorchun; aber das Mäitli hed es Chrigelli i ds Müül gnum; döö isch'sch e schwarzi Chatz worden; dee ischd undren Ofen gen groppen.

Freejer häi s' drum eso chenne stridlen, und ds Mäitlis Möötter, ja, das ischd drum äini gsiin.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.