Äs hed scho gaabelled, wan es par Gadmer mid Burdenen gägen hinderhi siin. Sum sii schon änet dem Wasser gsiin, zwee siin heenaha vum Schwibbogen zruggbbliben und häi ghirmed. Döö ischd en graawlochti Chatz verbii. Äina hed en Hämpfellig üüfgläsen, fir nen dr Chatz azreerren. Aber dr ander hed gsäid: „Nid, nid, la d'Chatzi z'Nacht gaan."

Si häin drüüf d'Räf umhi a-r-Rigg gnun und häim bbald dee andre bsogen.

„Was ischd das fir nes Frowweli gsiin", häin dee gfräägd, wa sii vorüüs gsiin, „wan ewch bir Ghirmi vir ischd?"

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.