Im Grund wä Gmäinraad gsiin. Äs ischd ggangen bis naa Mittinacht.

Äina ischd derbee gsiin; där hed wiit ghäben bis häin. Stärnen häi zwitzred; aber äs wän doch fiischter gsiin; nid in enem enzigen Hüüs mee hed es Leechtli bbrunnen.

Uf em Wäg ischd e Chatz glägen. Mid enem Schöö hed er se welle furtschlinggen. Döö aber ischd dee lengi worden, wee dr Wäg ischd bräita gsiin.

Bim Diit, Diit, ja jeerä, äs gid drum allerläi Chatzi.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.