Äis sii rra am Holz gsiin. Si hätte gmangled z' warmsen; Brood u Chääs häi s' no ghäben, aber Milch nid es Trääni.

Döe hed äina gmäind, wen numme d'Milch mangli, sa chenni är schon hälfen. Är hed den Hegel us dr Täsche gnun, hed nen üüftaan und in e Stock gsteckd. Derna hed er es Hammbräntli zwische d'Chneww gnun und hed afam mälhen. Im Handumdräjen isch'sch volls gsiin.

Die andren häi zöegseen; aber egghäina hed vun där Milch wellen nän; nid äina hed si verzennd.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch