Äis ischd äina mid arra ganze Triibetem Beck über d'Meder ab chun. En andra ischd däm Tschüür ebchun, hed em Bock i ds Oig gnun: är hed im üüsnäämend gfallen und fräägd: „Was häischischd d' fir dän?"

„Ja", hed där gsäid, „achd mer äis über die lingg Agslen!" Dr ander hed das gmachd; etz hed er gwissd, was das fir Beck siin; äina wie dr ander en Gäischt; är hed gnöeg gseen, hed niimma gsäid und ischd sis Wägs ggangen

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.