Äs hed äina uberhi im Rumpel Wirm bbanned undischd mid enen gägen Oltscherren.  

Äina hed welle-w-Wirm bannen. Är hed uf em Boden e-r- Ring gmachd und ischd drin. Wirm sii chun; aber zöö-n-im i-r- Ring inhi häi s' nid chennen.

Döö sii zwee-w-Wirrm chun; uf em Rigg häi s' en grossa wiissa träägen. Dr wiiss ischd uber e-r-Ring gsprungen, dee andren im naa, und all häin dem Banner bbissen und teeted.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch