Äis wän an dr Gassen e Komedi gsiin. Em Man hed e Giggel ghäben. Där hed im Schnabel es Ladholz träägen. Dr Man hed dem Giggel gsäid, är selli umha und anha, und d'Liit häi zöglööad und si bschiizged. Döö ischd es Wiib chun. Uf em Hoit hed's es Chorebullggi träägen. Das Wiib hed o zöögseen und säid, da mege si jetz wol töön wee d'Narren, där Giggel träägi ja nummen en Halen im Schnabel.

Drüüf isch'sch ggangen und hed ds Bullggi abtaan. Derna isch'sch chun und hed o welle zölöögen. Äs ischd uf dr Gasse gstanden; döö nimmd's ds Rockli üüf, das ma hed die bluttem Bbäi gseen, und d'Liit hai Tscholleti glached und häin nid wellen üfheerren.

Äs hed gmäind, äs stäji in enem Bächli und hed ds Rockli nid wellen nasses machen.

Ds Wiib hed drum dem Mam mid dem Han und dr Hale verraten; das hed si dr Man hinder d'Oore ta ghäben und hed gmachd, das's gmäind hed, äs stäji in enem Bächli.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch