Em Möötter hed es Mäitelli no in dr Fääschschi ghäben. All und äin Aben um dee gliich Ziid hed das Chind afam breellen, as we's an enem Schnitzer hangeti.

Ds schwarz Afelli hed graaten, uf dr Fürblatten es rächts Fiir z’machen. We ds Mäitli afäji breelen, selle s’ma ds Hemmeli abzeen und i ds Fiir reeren. Da derffe ma derfir töön, wen epper eso es Chliis plaagi.

Si häi's eso gmachd.

Vu Stund an hed das Mäitelli afan nevverren, und das Bbrel hed üüfgheerd.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.