„Baalis Aafii", eso hed d'Mööetter afa verzellen, „hed uf dr Choreflööe dem Atten naa gworbed. In dr Maden ischd es veerblettrigs Cbleeblad gsiin. Dööe hed Aafi de Schööe abzogen und das Chleeblad dri taan und de Schööe enumhi agläid. Äs hed gwissd, das ma säid, dr erscht, wa äim ebchemi, we ma veerblettraga Chlee im Schö zsämehediöe häigi, das gäbi den dem Man.

„Uf em Häiwwäg ischd ma Dreeses Menk ebchun."

Trini, dsMäitli, hed glosd u-l-lached: „Aber äs hed nen no nid."

Dööe lached d'Mööetter o und säid: „Bim Doi, ja jeerä, schon! Aber gaan tee s' afen midenandren."

Aber Trini hed glached ung gsäid: „Aber, Mööetter, düü hesch'sch lätz gsäid. We ds Mäitli an enem Chaschper ebchunnd, häissd den dr Man o Chaschper. Brigger Gretli ischd es Mäitli gsiin; äs hed veerblettraga Chlee im Schööe ghäben; dööe ebchunnd im Moor Simen. Aber Simen hed ja schon äini ghäben und hed täich an äinarra gnööeg ghäben; aber Jaar derna hed Trigli Simen fir is gfrägd, und äs hed nid näi gsäid. Jetz wolld i den o äis probeeren, wee das chunnd, wen i im Sumer es Blad finden und 's o i Schööe tööen!

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.