Anhi uf dr Miliflöe ischd es Zwäärgliloch. D'Heli gäid, wär wäis wie wiit, i d'Flöe inhi, und äs hed e Ziid ggän, wa da sii Zwärgleni gssin.

Äis häi-l-Liit under dr Miliflöe ghewwed. Döe hed's uf dr Flöe embrüüf es Gschräi ggän:

„Iddi chun! Iddi chun!

Muggestutz wolld stärben!“

Derna ischd alls stills worden. D'Hewwerliit häin naa nenem Raschtli wiiter gschaffed.

Chüüm häi s' agfange ghäben, hed's uf dr Flöe und in Nollen dirhar es Brielen und es Surre ggän:

„Iisa Muggestutz ischd gstorben, gstorben, gstorben!"

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.