Das wä z'Wiiller gsiin. Da hätti äina am Lowwelli e Chriesboi ghäben; Jaar fer Jaar hed där träägen; aber wen dr Büür mid Chratten und Chriesihaaggen gäge ds Lowwelli ischd, sii d'Chrieseni furt gsiin, dr Boin zerstroipfta und ds Chrüüd drunder verftampfets.

Das hed ne ghegled. Äs hed nen ordelli afa-w-wunder nän, wär ma d'Chrieseni strieli, Jaar fer Jaar, und är geng dr naagäänder siigi.

Döö hed im äina graaten, är selli äis Äschen undrem Boi säijen, we d'Chrieseni ziitegen.

Das hed er äis eso gmachd. Am Morgen druf ischd er gen achten. In dr Äsche sii Trittleni gsiin wie von Entefiesslenen.

Etz hed er gwissd, wär im d'Chrieseni gwunnen ung gstrieled hed; das sii d'Zwäärgleni gsiin.

Aber firderhin sii d'Chrieseni sichern gsiin und d'Zwäärgleni nimma chun.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.