Im Schild ischd en Heli. Aber egghäin äinzaga Mentsch wäis, wa si ischd. D'Zwäärgleni wol, die wissten, wa si wän. Si häin in där Heli Straali; si ischd volli dervun. Aber äis häi d'Liit d'Zwäärga plaged; döe häi s' d'Heli vermüüred und sii furt.

Wen aber äina chunnd, mid Schild zem Gschlächt, und är hed es Wiib, wa us em gliiche Gschlächt chunnd, sa chan är d'Heli finden, und d'Straali wän de siiner; aber bis zer Stund hed no egghäina die Heli funden, vergäs de d'Straali.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.