Äis ischd e Sammelbööb gsiin, där hed Holz gnun und e Froww drüüs gschnätzed. Und undermalen hed er mid arra gchurzwiiled und tanzed.

Döö sii s' mid dem Vee virer gfaaren, in en andra Staafel, und dr Bööb hed d'Froww vergässen. Aber schon in allem Faaren isch'sch dem Bööb z'Si chun, das er d'Froww hed dehinna glaan und hed gsäid, är welli emzrugg und no äis mid arra ge tanzen.

Und dee andre sii-w-wiiter gfaaren; aber dr Bööb hed nid wellen emzrugg chun.

Döö siin nen dee andre ge sööchen. Z'Fätze zerschrissna häi s' nen in dr Hitte funden.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.