En Hirter ischd im Gade bim Vee gsiin. Döö ischd ds Gäismäitli zöö-n-im chun und hed wellen afan zöömmerli töön. Dr Hirter ischd im us Wäg, und ds Gäismäitli hed nid welle-l-lugg laan, und wa's dem Hirter lengs gnöög ischd gsiin, ergriifd er's und wolld mid im zer Tir üüs; aber das ischd es troges Mäitli gsiin! Äs hed si uf die Hindre gstelld, und är hed gmerkd, das 's um ds Läben gäid.

Uf ds Mal laad ne ds Gäismäitli us e Fingren und säid: „Äs ischd dr wirser, das d' wiisses Brood bee-n-dr heschd! I hätten dr suscht dem Mäischter zäigd und dr welle zindten!" Mid däm isch'sch zer Tiren üüs und furt.

Dr Hirter wän nid vor lang Getti gsiin und hätti no em Broosme vum Chimmbettiring in arra Täsche ghäben.           

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.