Ds Gäismäitli hed zwoo Schweschtri ghäben, ds Grinimäitli und ds Engschtlemmäitli. En eedri hed es Teer ghäben, wa mid im ischd chun, ds Gäismäitli es chliis schwarzes Hundelli, ds Grinimäitti em Bock und ds Engschtlemmäitli e Steer.

D'Möötter hed iis verzelld, da siigi si häichun; undrem Birboin hindrem Hüüs siigen drii Mäitleni gsässen; alli häige-w-wiissi Schurzleni aghäben. Verwäis, wa jetz äimmel o irer Mäitleni dee wiisse Schurzleni har häigen; däne welle si eppes zellen ung chapitlen, we si bee-n-ne siigi, häigi si zöö rra sälber gsäid und siigi toibi gsiin. Aber wa si dem Hüüs gnohi, siigen dee drii Mäitleni hindrem Boin uber d'Müür embrüüf gräbled, und äis, zwäi, häigi si niid mee vun ene gseen.

Das siigen dee drii Schweschtri gsiin.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.