„Hanselli, nimm ds Bullggi und ds Hammbräntli. Düü bischd etz afen en grossa und choischd dem Atte z'Morge trägen.

Aber dorf den nid mid allen Hagstäcken; gang dem Wäg naa und nid abhi zer Misliglunten. Wäischd d', da drin ischd dr Haaggemman; där glengged mid enem Haaggen üüsa und schriissd di grad i ds Wasser, we d' welltischd ge gwundren, was d'Freschleni old die blawwen Pfiiffolterleni machen."

„A ba, äs gid doch egghäin Haaggemman!"

„Wool gid's en Haaggemman! Schlusselters es Mäitli hed er i d' Glunte gschrissen; das hed ds Groosi iis geng verzelld. Suscht frääg's, we d' i ds Änderdorf gäischd."

Iisers Groosi hed iis geng mid dem Haaggemma plitggd. Meer häi virhi uf dr Flöö embrin e Stuck Land ghäben; Äs ischd fir Chind gfäärli gsiin, wiit üüsi z'gaan. Den hed is ds Groosi geng adinged, meer sellen nid z'witt virhi gaan; dr Haaggemman glenggi mid dem Haaggen üüfa; är siigi in enem Fad und schriissi-n-is üüsi; das siigi e-w-weeschta und em beesa Man

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.