Z'Schattenhalb wän äis en griisli starha Ma gsiin; schwingen hed egghäina mid im wellen, und neemmen ischd im i-w-Wäg ge staan. Döö wä's Üüstage gsiin old hinna im Herbscht, i wäis nid wäders. Är gäid es Tags gäge Gschwandemmad, gäge ds Rosellowwi u chunnd i ds Broch. Vun da ischd er obsi gäge d'Schotten, dir ds Pfanni üüf und ischd im Obreschte gsiin. Döö gäid er gäge nen Hitten; aber uf ds Mal bliibd er staan. In arra Schopftiren sitzd äina, en griisli grossa Man, uber und uber ghaarata, nid e Fätzen hed er aghäben; mid ener Hand hed er i d' Tirselle griffen und mid dem Zäigfinger und dem Düümen gross Schäfri us em gsunden Holz gschrissen.

Är löögd im es Raschtli zöö, gäid hibschelli emzrugg und schnöörstracks häin.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.