Dr ewwig Jud ischd afe zwäimal da gsiin.

Wan er ds erscht Mal ischd chun, ischd dr Schlosswaald bim Reschtituren e-w-Wiimbärg gsiin, ds zwäit Mal em Bööchwaald, und wen er ds dritt Mal chunnd, ischd er den en Gletscher.

Dr ewwig Jud hed nee egghäi-r-Rööww; är möös gaan ung gaan, bis d'Wäld undergäid. Är hed si am Häiland versindeged. Wan er ma hätti selle ds Chriiz träägen, hed er nid wellen, und döö hed dr Häiland gsäid, är welli staan und dr Jud meessi gaan, bis d'Wäld undergäji.

We d'Riseten virhatrooli, bis ds Hinderburgseewli üüsgangi, chenni dr ewwig Jud den o ge ghirmen.

In dr Golderren ischd an enem Aben em Ma chun und hed bin enem Hüüs gfräägd, fir z'ubernachten. Sie häin nen in e Stube taan, wa s' häin es Tischli ghäben. Dee ganz Nacht ischd där Man um ds Tischli um ggangen; nee hed er ghirmed; dee ganz Nacht ischd er um ds Tischli um. Mid arra Schääri hed er us em Gwand rundi Blätzleni üüsagschoren und sa umhi uf ds Gwand bbeessd. Eso isch'sch dee ganz gschlagen Nacht ggangen.

Das ischd neemmen anders gsiin, wan dr ewwig Jud.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.