Brigger Menk hed im Rufibärg e Stollewwurm gseen. Är hed e flacha Grind ghäben und Stolleni fir Feess, aber Haar egghäiner.

Ds alt Afi ischd mid de Mäitlenen am Bräitlowwenen ge-r- raaschen. Pletzli hed's gstüüche wee d'Pescht! An enem Tännelli ischd e Stollewwurm gstotzed. Ds Jaar brüüf ischd ds Tännelli dirrs gsiin.

Under dr Briinigsflöö hed äina e Stollewwurm z'Tod grerrd und zerhowwen; äs hed Bitza ggän wee määssegi Hammbräntleni.

Zwo Hoflejerri sii z'Chilche gsiin. Döö hed's afa spewwen u- r-rägnen; Schärma häi s' egghäiner ghäben, u-s-si siin bin arra Schür in e-l-läärra Cheegade ggangen. Bim Schoorloch ischd in dr Strewwi em Bitz Holz glägen. Uf ds Mal hed si där Bitz afa-w- wäiggen und e-w-Wurm mid Stollenen ischd zum Schoorloch üüs.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.