Umb unser frowen tag zur Lichtmäß im mccccc und viii jar (1553) kam ein cortisan uff der nacht gan Sursee und fraget einem knächt nach, der mit im umb den lon ritte bitz gan Lucern, wann alß er rett, so müst er in vier tagen zuo Rom sin by verlierung grosser pfruonden. Doch ließ er sich darby merken, er könde den tüffel beschweren. Und also fand er zuo Surse ein frommen gesellen, der ruscht sich mit im zeritten. Dem verhies er sächs Batzen vnd gab im drig bar uff den lon. Und als sy nu by nacht abstatt rittend und für Sempach hin uß kamend in Truttenbach, da lit ein hoff, heiß Truttingen, daselbs reit der knächt vor durch den bach und bleib der Cortisan ennend dem bach und ruofft dem gesellen zuo und sprach: „Halta halta!“ und alß der knächt hindersich luogt und vilicht besorgt, im wäre ettwas beschähen, da gesach er roß und man in lufft uff faren über all böum, studen und stöck. Darab er vast übel erschrack, doch reit er zuo dem hoff, da bäygtend sy in bym für so lang, bitz er seit, wie es im was gangen, und wüst also nieman, war der man ikam.

Quelle: Alois Lütolf, Sagen, Bräuche, Legenden aus den fünf Orten Luzern, Uri, Schwyz, Unterwalden und Zug, Luzern 1865. Eingelesen von der Mutabor Märchenstiftung, www.maerchenstiftung.ch.