My Grosmueter isch vo Aschdef (Arisdorf) gsi. Sie hets vo ihrem Vatter gha:

Dä isch derby gsi wo si der Landerer ab em Ross grisse hai bi der Greingruebe.

Er het vo däm Länderer es guldigs Hemmlischnöpfli heibrocht. Ein haig im Landerer, woner am Bode glägen isch, dür Gras ins Muul gschoppet – dä haig nämlig einisch loverlut, d Buure selle Heu und Strau frässe.

Arisdorf-Olsberg

Quelle: P. Suter/E. Strübin, Baselbieter Sagen. Quellen und Forschungen zur Geschichte und Landeskunde des Kantons Basel, Band 14. Liestal 1976

Eingelesen von der Mutabor Märchenstiftung auf www.maerchenstiftung.ch.