Der Gschäftsma N. N. isch rych und gar nit beliebt gsi. Woner gstorben isch, het der Götz Schmid - er isch binere Sekte gsi und me het gsait «er haig s Gsicht» - all verzellt, er gsejen mit ime volle lynige Gäldseckel uf d Poscht go. Wo me derno in syner früejere Wohnig d Häfelischueltante ygrichtet gha het, het d Häfelischueltante gsait, wenn si im Holzschopf well go Holz hole, chönn si amme d Schopftüre nit uufmache, bis si säg: «N. N., heb der Doope drab!» Derno göngs.

Bubendorf

Quelle: P. Suter/E. Strübin, Baselbieter Sagen. Quellen und Forschungen zur Geschichte und Landeskunde des Kantons Basel, Band 14. Liestal 1976

Eingelesen von der Mutabor Märchenstiftung auf www.maerchenstiftung.ch.