Im Heideloch liit e Schatz, aber teuf inne im Berg, inere grosse iisene Chiste. Uf dener sitzet e chliis schwarzes Hündli, das tuet de Bergzwergglene der Schatz gaume. Digg schlaft das Hündli. Wä me nu wüsst wänn, so chännt me der Schatz guet usenih. Aber wänn’s wach isch, und es chunnt etter, so billt ds Hündli, und dä chännd d Bergmanndli, und Gnad Gott dem, wo der Schatz het welle nih. Es chunnt keine mih ussem Loch use.

Quelle: K. Freuler, H. Thürer, Glarner Sagen, Glarus 1953
Eingelesen von der Mutabor Märchenstiftung, www.maerchenstiftung.ch