Escht e mal es Wib g'si, di het de armu Litu nix megu gunnu. We dra appu chleini Räschtjini Choch old UrsiniSpis old Fleisch firg'schlagu sind, old appa Aichmilch old Sufmilch g häbet het, disch nit gebrucht het, so hetsch all's flisig ins Schwisch kit und de Bettleru nix wellu teilu.

Na ihra Tod het mu im Stall, wensch dum Schwi brungu hend, zwei Schwichepf im Trog g'se und g'hert im G'fräss frässu und im G'laff godlu, — und do ischt im Chrommu nummu eis Schwi g'si. — Duo sindsch zum Pfarrherr g'liffu nnd hend nu g'fregt, was das au z'beditu heigi. — Der het aber g'seit, d'Verstorbna hei im Läbe d'Schwi lieber g'hä als d'armu Lit; darum miesesch jez na ihra Tod au de Schwinu im Chrommu G'sellschaft tuo.

(Saaser Mundart)

Quelle: M. Tscheinen, P. J. Ruppen, Walliser Sagen, gesammelt und herausgegeben von Sagenfreunden, Sitten 1872.
Eingelesen von der Mutabor Märchenstiftung auf www.maerchenstiftung.ch