Mer hai in der Schöni früechi Chirsi gha, won is allewyl ewägg cho sy.Do bini einisch go passe. Undereinisch hani am oben ammer e grüüslig Gschrei gchört, und derno isch eine obenabe cho springe. Es isch en öltere Ma gsi in äberhüttige Hose (Eberhaut!) und mitere Zipfelchappe. I bi uf en los und ha grüefe: «So, jetz hani eine vo dene Schelme!» Won en ha welle packe, hani nüt in de Hände gha – s isch niem meh umme gsi. Druufaber hets es grüüslig Wätter gee.

Ziefen

Quelle: P. Suter/E. Strübin, Baselbieter Sagen. Quellen und Forschungen zur Geschichte und Landeskunde des Kantons Basel, Band 14. Liestal 1976

Eingelesen von der Mutabor Märchenstiftung auf www.maerchenstiftung.ch.