(Sarganser Dialekt.)

Z' Rapperschwil ist näbet der Chilchä-n-ä Beihuus, wou ä ganzi Big Toutächöpf ufenand lit. Es ist albig off und nu ä paar Tritt dri ahi, und es sind hüfig Chind und ander Lüt denidä. Ämoul hät uf der ouberstä Reihä-n-ä Toutächöpf agfangä nei-gnappä. Das hät ä Chind gsi, ist vor Schreggä-n-ussi, da Lütä gä rüäfä. Wou diä chund und furchtsam ihi zehälet sind, hät der Chopf alliwill na gnappet. Zletscht fasst einä-n-ä Härz, gout zuähi und lupft där Toutächöpf uf, und duä hat das Nei-Gnappä ufghöürt. Es ist ä Muus dri igspeirt gsi und dri hi und här gsprungä-n-und hät ussä wellä und das Gnappä verursacht ka. Das hätmer ä Rapperschwiler verzellt, wou sälber derbei gsi ist. Toutächöpf spielend in dä Geistergschichtä-n-ä bliebti Rollä. Am 9te Obrellä 1388 hät der Messmer z' Nacht in der Chilchä ihri Mannä, wou z' Näfels erschlagä wordä sind, jedä si Toutächöpf underem Arm wenä Huät, durä Chilchägang bis zum Seiläopfer gsih guh, und d' Gloggä hind zu sälber agfangä lütta.
Albrecht, Erinnerungen.

Quelle: Sagen des Kantons St. Gallen, Jakob Kuoni, St. Gallen 1903, Nr. 406, S. 234

Eingelesen von der Mutabor Märchenstiftung auf www.maerchenstiftung.ch.