Ds Reälperdorf, das hennt diä Altä mängisch g'seit, syg vor altä Zyttä-n-ufem Biäl obä g'standä. Jetz isch dert Allmeini, aber schiär ringsum isch Eigä. Scho mängisch hennt-s' dert alti Minzä g'fundä, dass d'Schäärä (Maulwürfe) usem Bodä firäg'stossä hennt. Ysärä-n-Unkel het sälber einisch eini g'fundä und het si yserem Pfohr b'bracht, am Pater Hieronymus. Aber dert obä isch ds Dorf nit sicher gsy vor dä Läuwänä. Diä alt Furggastrass isch bim Ägärtä-Kapällti verby g'gangä.

Summ säget wider, Frealp¹ syg äs grosses Dorf gsy und syg hindäräg'gangä bis ufä Biäl.

N. Simmen, Realp

Fußnoten
1 Statt Realp sprechen alte Leute sehr oft: Frealp, eine Form die entstanden ist aus der Verbindung: uf Realp, wie Fottigen in Gurtnellen aus: uf Hottigen (nachweisbar im Jahrzeitb. Silenen). Selten hört man auch Ryalp.

Quelle: Müller, Josef: Sagen aus Uri 1-3. Bd. 1-2 ed. Hanns Bächtold-Stäubli; Bd. 3 ed. Robert Wildhaber. Basel: G. Krebs, 1926, 1929, 1945

Eingelesen von der Mutabor Märchenstiftung auf www.maerchenstiftung.ch.