Dr Eihorn a dr Sossaugass

Mi Elter het mängisch vorn alten Angerees brichtet; dä het allergattig chönne, meh weder anger Lüt.

Äs isch amene Sundivormittag gsi. D’Schueler hei a dr Sossaugass e Eihorn i de Bäume desume gjagt. „Bosse Buebe“, säg dr Angerees - bosse, das isch s Wort gis, - "löt das alte Fraueli lo si.“ D’Buebe, richtig, tribe das Eihorn erscht rächt u hei e chätzersch Freud gha. Ändtlige gheit dr Eihorn vom Baum abe un isch ewägg, sie hei nid gwüsst wohi.

Gli druf heisst es, die u die Frau heig dr Arm wüescht verschlage. „He, bosse Buebe dir“, säg dr Angerees, „han i’s nid gseit! Hättit dir das alte Fraueli lo si!“

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.