Drei Stumpebäse

Öppe vor drüne Johre isch es so nass gsi; d’Sach het nid vürersch welle un isch ehnder hingertsi zrugg.

Du hei sie im Nochberhus gmeint, d'Bohnere sig verhäxet. Dr Res isch i Chalberbach zum Dokter, u dä het ne dr Rot gä, sie sölle i dreine Egge vo dr Bohnere e Stumpebäse ufstelle.

Sie hei’s eso gmacht. Aber richtig, gnützt het es nüt; äs isch eifach z’nass gsi; anger Lüt hei’s prezis glich gha, emel mir au.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.