En ungradi Speiche

Einisch het e Bur dür e Schmiedwald uehe es Fueder Holz gfüehrt. Du chunnt es Fraueli u geiht ihm vor. Drufabe si d’Ross ebstoche.

Dr Bur het gli gmerkt, dass öppis Ungrads ume Wäg isch. Är geiht hingere u gseht bimene Rad en ungradi Speiche. Derno nimmt er ’s Biel u verschlot se. Drufabe lot er d’Ross azieh, u du isch’s vürersch gange‚ wie we nie niene kes Hingernis wär gsi.

Wo-n-er us em Wald use fahrt, lit am Wäg das Fraueli, wo-n-ihm vorglüffen isch; das het es broches Bei gha.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.