Vom alte Buume

Im Ungerdorf isch vor vielne Johre e Ma gsi, Buume het er gheisse, gar e rächten u e fromme. En iedere Sundi isch er z’Chile. Aber im Ihelüte isch er uf d’Mure vom Totehof go ge hocke. Mit Ihego het er gäng gwartet, bis es het verlütet gha.

Einisch het ne du öpper z’Red gstellt, warum er erscht nom Verlüten ihegöih. „We der gsähet, was i gseh, tätit der nid froge“, het er zum Bscheid gä. „I währedem Lüte drücke no chuppelewis Geischter i d’Chile. Innefert si d’Gäng gsteckt voll. I de läre Stüehle hocket eis am angere. Äs si derbi, wo no gar nid lang gstorbe si. I säge’s ufrichtig. wie’s isch, un i wott ne nid dervo si, we sie a dr Predig öppis hei u derdürwille descht ehnder a d’Ruehw chöme“.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.