Bim Weidgatter

Uf ere Weid isch e Gatter gsi, wo von ihm sälber uf u zue isch, we Lüt düre si. Das isch nid mit rächte Dinge zue- u hergange.

Du frogt einisch öpper, wo au het düre welle, wär do sig.
Ig, het e Stimm Bscheid gä.
Wär är sig.
Dä u dä.
Worum er de do sig.

Är sig z’tot gschlagä worde. Jetz müess er no die Stell do verseh. Do müess er bliebe, bis me nen abrüef. Das göih nume no sövel lang, wie-n-er hätt sölle läbe‚ wen er nid wär z’tot gschlage worde. Süsch sig är de es Ching dr Säligkeit.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.