E verböhrte Geischt

E Bur het uf eren Egg e verbrüscheti, strubi Weid gha. Du het er im Herbscht d'Studen usgmacht. Im Früehlig druf het er amene windstille Tag ‘s Brüsch azündet. Demo het er de dr Bode wellen umemache u Härdöpfel pflanze.

Uf dr Weid isch en alte Stock gsi. ‘s Füür het nen au ergriffe; aber du het's im Stock afo brüele; mi heig's Stungen u Stunge wit ghört. Im Stock isch drum e böse Geischt verböhrt gsi. Dr Bur het nüt dervo gwüsst gha.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.