Uf em Hunze

Dr Spilejoggi isch im Vernachte alli Gredi düre Wald uf gägem Tanzplatz, wo uf em Hunzen isch. Es het am angere Wätter umegmacht, u wo-n-er uf e Tanzplatz isch cho, het er zwo Süi gseh, wo desume glüffe si. Du het er meint, die sige öpperem uf em Bärg drus; aber eismols si sie niene meh do gsi. Du isch er hei. Är heig e Chopf gha wie-n-es Mäss. Du heig er erzellt, was er erläbt heig. 2Nimm Büchsepulver“, säg der Liebu, u du heig’s sofort besseret.

Är glaub gwüss süsch nid a Gspäischter, het er gseit, wo-n-er mer das uf der Sagi erzellt het; aber das löi er si nid näh: Bim Tanzplatz un übere gägem Schlosschnubel im Wald, wo zur Dietelmühli ghört, do sig’s nid sufer; afe gäng we’s an angerem Wätter umemachl, u das mit de Süi heig au e Zsämegang gha mit dem Schlosschnubel.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.