Vomene schwarze Ma

Äs isch e Ma gsi, wo meh het chönne. Einisch isch er furt u het es Büechli lo ligge. Du isch es Burscht cho u het’s erwütscht u drinn afo läse.

Derno isch plötzlech e schwarze Ma do gsi; dä seit, är heig es Rächt uf das Burscht. Jo, aber, säge du die Lüt, e Gfeligkeit chönn er ne wohl tue.
Jo, das chönn er scho.
Du hei sie es Mäss Hirsch ine Schiterbige gheit u däm Ma gseit, är söll ’s Hirsch ume useläse. U das Burscht wäri du emel grettet gsi.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.