’s Meitli vor em Spiegel

Es Meitli het z’Predig welle. Äs isch vor em Spiegel gstange u het si gstrählt u gstrählt u isch nid fertig worde. „Gang jetze“, het ihm ’s Müetti gseit. Aber ’s Meitli het si dessi nüt gachtet un isch witer gfahre.

„Äs lütet zsäme“, het ’s Müetti gseit. „Jetz chunnsch de gwüss z’spät.“ „Mira, da isch mer glich, u we dr Tüfel tät lüte“, het es gschnaulet. Im glichen Augeblick isch es am ganze Lib schwarz worde; gstagets wie ne Stud isch es do gstange un e Lich gsi. Für es furtznäh, het me müesse dr Bode usesage.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.