Die beide Brüeder

Uf der Altburg hei einisch zwe Brüeder gläbt, wo nid guet zsämen uscho si, eso wie’s ire Hushaltig geiht, wo eis „hüscht“ u ’s anger „hott“ zieht. Kei Tag isch verbi gange, wo sie nid zsäme gstriglet u zangget hei.

Demo isch eine vo deheime furt u het ’s Schlössli lo baue. Aber dr alt Chib u dr Verbauscht hei ne ke Ruehw glo, u sie si bilängerschi meh usenangere cho. Einisch het dr Her im Schlössli gäge dr Altburg düre gluegt. Är het mögen erchenne, wie dr Brueder im offene Pfäischter isch gstange u gäge ’s Schlössli luegt. Im Hui isch ume ’s Füür im Dach gsi, rot vor Täubi het er dr Armerischt vo dr Wang gschrisse u dr Brueder erschosse.

Die Sage von den streitenden Brüdern kehrt an vielen Orten wieder; sie wird fast überall da erzählt, wo zwei Burgen einander gegenüber stehen.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.