Vo Wärber

E junge Ma het im Wirtshus z’Rohrbech d’Chimpetti lo gä. Zur gliche Zit hei Wärber agworbe i ’s Chünigs Garde. Du het’s gheisse, wär am zwölfi no do sig, müess goh.

Ungerwilen isch es zwölfi worde, u derno het men em Chimpettima gseit, är müess au goh. Jo, säg dä, är vermög si dessi nüt, är heig doch müesse warte für ’s zahle.

Aber äs het nüt gnützt; äs heige zwe Gmeindsmanne d’Finger drinn gha. Du het er e Fluech to, eine söll nid z’rächtem Tod stärbe un emangere söll’s Hus ob em Gring verbrönne.

Un eso sig’s au worde.

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.