Wie dr schwarz Tod uf Huttel cho isch

Einisch sig z’Roth es Fraueli derhar cho mit eme Chörbeli am Arm; äs sig gar sträng glüffe. Mi heig’s gfrogt, was es emel au däwägg z’laufe heig. He, säg es, äs müess drum uf Huttel ihe, go d’Schwindte bringe. Drufabe sig dr schwarz Tod cho; niemer heig chönne hälfe. Aber es Vögeli sig z’Huttel bim Dokter uf e Sinzel go hocke u hei öppis gsunge. Aber verstange heig’s alli Längi niemer. Aber ändtlige sig de Dokter druber cho; äs heig pfiffe:

„Trinket ab Bibernäll,
So stärbet ihr nid so schnäll.“

M. Sooder, Sagen aus Rohrbach, Huttwil 1929

Eingelesen von der Mutabor Märchenstiftung auf www.maerchenstiftung.ch.