Im Heidloch lyt e Schatz, aber teuf inne-n-im Berg inere große-n-isene Chiste. Uf dere sitzet e chlis schwarzes Hündli, das tuet de Bergzwerglene der Schatz gaume. Dick schlaft das Hündli. Wä me nu wüst, wänn, so chänt me der Schatz guet use nih. Aber wenn er wachet, und es chunt eter, so billt er und dann chänd d' Bergmännli, und Gnad Gott dem, wo der Schatz het welle nih. Es chunt keine mih ussem Loch use.

Quelle: Theodor Vernaleken, Alpensagen - Volksüberlieferungen aus der Schweiz, aus Vorarlberg, Kärnten, Steiermark, Salzburg, Ober- und Niederösterreich, Wien 1858.

Eingelesen von der Mutabor Märchenstiftung www.maerchenstiftung.ch