Z’Rotheflue isch emol e Pfarrher gsi, dä het mehr Freud gha a syne Chüehne as am Predige und z’Chille goh. Derfür het er im Grab au kei Rueh gfunde. Allemol öb ’s Wätter g’änderet het, isch er as es Gspängscht wieder in Stall cho und vo einer Chueh zue der andere. My Vatter, wo Pfarrpächter gsi isch, het dernoh abe gseit: «Es git ander Wätter, der olt Her isch wieder in Stall cho.»

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch