E Frau vo Brätzbel het verzellt: My Ma isch früecher Bot gsi. Wo-n-er emol z’nacht vo Basel hei ins Dorf chunnt cho z’fahre, gseh-n-i, ass noh ne Frau näbe-n-an ihm sitzt. Er fahrt nit wie süscht zum Hus; er fahrt ’s Dorf us. Die Sach isch mer gspässig vorcho; i schicke-n-ein vo de Junge noche. Z’usserscht im Dorf isch er im Wage noh cho; e Frau isch aber keini meh druf gsi. Der Ma aber het mit offene Auge nit gwüsst, wo-n-er isch.

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch