Noh Rägewätter, wenn d’Sunne wieder gschinne het, oder au noh im e Gwitter het me früecher in der Holle gkört jodle und juchzge.

Emol sy myni zwo Schweschtere ellei in der Stube gsi. Do seit eini zu der andere: «Gkörsch! — Der Hollejuchzger jüchzgerlet au wieder.» In däm Augeblick isch’s wie ne warme Wind zum Fääschter yne cho, und e Juchzger het in d’Stube tönt, wie yne gschroue. D’Schweschtere hei si vor Angscht zu der Stube-n-us gflüchtet; sie hei noche noh lang gschlotteret.

Quelle: G. Müller/P. Suter, Sagen aus Baselland, Liestal 1939.

Eingelesen von der Mutabor Märchenstiftung, www.maerchenstiftung.ch