Äina uf Willer hed z'Gadmen es Hewwmad ghäben. Bim Hewwe sii s' geng im Schiirli ubernachted. Aber äs ischd da nid alls süüfers gsiin; äis, wa s' umhi im Schiirli ubernachted siin, ischd in dr Dili es Grumpel losggangen. Döö hed dr Äigetimmer greefd: „Bischd d'en gööta Gäischt, sa bliib! Bischd em beesa, sa gang!" Drüüf ischd dr Gibel volla Näbel worden; är ischd zem Dilitor üüsachun, und derna ischd es griisligs Gschräi um Bbriel über e-w-Waald inhi.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.