Zwäi Gschwischterti, es Mäitli und em Bööb, häin am Birchlowwi bbärghewwed. Na em z' Nacht sii s' geng es Raschtli näb d'Hitte ge sitzen und häi bbrichteb u dorfed u-s-siin derna i d' Näschterri ung ge schlafen.

Äis es Abeds gheere si es Plapper und es Waschlen. Uf e Stäine sii Stäfzgi üüfchun, und Sprangi siin üüfggangen.

Äs ischd ds Nachtvolch gsiin.

Dr Bööb hed wellen ge-l-löögen. Aber d'Schweschter hed nen bim Schlufisermel ergriffen „Gang nid! Old düü mööschd mid im gaan!"

Äs hed's ggän, das rra häim meessem mid dem Nachtvolch gaan, we si siin ge gwundren.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.