Im Lammi chunnd in dr Nacht e schwarza Ritter z' sprenggen. Vor etleche Jaaren ischd er Dreeses Menken ebchun. Dr Ritter chunnd gäg Menken und hed im an, är selle nen erleesen; är, Menk, siigi derzöö geboren; är selle ne vum Ros abhanän; äs siigi egghäi Gfaar derbee. Und in allem Bbrichten hed er si Menken eggägeglan, das er fascht ischd us em Sattel ghiid.

Aber Menk hed gschlottred wee aschpis Loib unn nid Woich taan. Döö setzd si dr Ritter emzrugg i Sattel; ds Ros stäid bolzgredi i d'Luft, scheessd virers und sprenggd uber Stock und Stäina; u-f-Fiir und Sprangi siin i d'Luft üüfgsprungen.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.