Afis Dani ischd vor Tag vum Sand gägem Mäiringen. Hee und da hed in enem Hüüs afen es Leecht bbrunnen; d’Bäch häi toosed ung grüüsched: aber Liit siin no egghäiner virha gsiin. Bald wän er z’Stäi gsiin; im Land üüsi siin in enem Ring Manna gsiin; in dr Miti ischd äina gstanden.

„Gööte Tag“, säid Dani und wolld an ene verbii. „Ja“, säid där emmitts, „ si häin en gööta Tag, si im Ring, aber i han nen no nid.“

Wee-n-er mid Brichte fertig ischd, siin dee Manne furt gsiin, as we si nee wän da gsiin.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.