Äis ischd em Bööb dire Fureflööwäg hinderhi. Uf ds Mal bliibd er staan. Z'mitts im Wäg ischd en guldege Sässel gsiin. Drüüf ischd e Froww gsässen. Si hed ds Haar gsträäld.

Är hed die Froww aggaffed wie nes Chalb en niwwi Tiren. Nid e Trit hed er mee virers derffen. Döö winkd im d'Froww, är selli chun.

Döö cherd er um u-l-loifd u-l-loifd, löögd nee emzrugg, chunnd häin u-ch-chan nid stiglen, was er will sägen.

Melchior Sooder:   Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.