Äs hed no nid rächt taged. Döe wän en Hirter bim Gloggeturen und dr Chilche verbii. Ätwärischt im Wäg ischd es Beckelti gftanden. Die vordre Fiess hed's uf dr Müür ghäben; äs ischd asabar gsiin, as we's wellti uf d'Müür räblen und nid üüfi mechti.

Dr Hirter ergriifd's und wolld's üüfi liften. Aber är hed si trogen. Das Tierli ischd schwärder gsiin, wan das er ma truwwed hed; är hed und hed 's fascht nid megen üüfibringen.

„E schwärdra Luft han i jetz no nie taan", säid er zöe-n-im sälber. „Aber em bessra o nid", gid im e Stimm Bschäid.

Är achted z'ringetum; niemmen ischd um d'Wäga, und ds Beckelti ischd furt und niena mee!

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.