Äs gid allerläi Chatzi! Das hed e Dokter erfaaren, wan er us em Grund gägen Gööttannen hinderhi hed wellen. Bir Vordren Ürwäid sii zwo Chatzi chun, e schwarzi und en graawwi. Si häi vor im welle dumm töön. Döö hed er mid dem Stäcken uf sa greerrd; äini hed er uf e Buggel bbräichd, und dr andren hed er e ggheeraga Sträich uf en Grind ggän.

Wan er ischd gen Gööttanne chun, hed er vernun, grad vor enem Schutz häigi es Wiib eso Chriizwee uberchun, und es anders häigi es Hoitwee wee dem Margtropf.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.